Məmmədbağır Bağırzadə – Süfrələrə şam düzün (sözləri\lyrics)

Məmmədbağır Bağırzadə – Süfrələrə şam düzün

Söz: Sabir Rüstəmxanlı

Musiqi: Məmmədbağır Bağırzadə

Mahnı sözləri:

Süfrələrə şam düzün, qoy arzular çin olsun!

Şölə saçan alovun biri də mənim olsun!

Səməni nazlı gəlin, incə belində kəmər,

Baharın elçisidir, bəzəkli nəlbəkilər!

Yurdumuza yaz gəlir!

Tez barışsın küsənlər!

Tale sizə yar olsun

Şəkərbura, paxlava

Bəzək verir xonçaya!

Baharın nemətidir, elə obaya…

Evlərimiz bəzənsin, toy-bayrama qarışsın!

Hər həyətdə bir tonqal, ay, ulduzla yarışsın!

Səməni nazlı gəlin, incə belində kəmər,

Baharın elçisidir, bəzəkli nəlbəkilər!

Yurdumuza yaz gəlir!

Tez barışsın küsənlər!

Tale sizə yar olsun

Sevilənlər, sevənlər…

Qızlar əlində xına,

Xonça düzür yan-yana,

Bahar necə yaraşır, Azərbaycana…

Şəkərbura, paxlava

Bəzək verir xonçaya!

Bahar necə yaraşır, Azərbaycana…